Hacıqabul rayonunda 2018-ci ilin birinci rübünün sosial-iqtisadi inkişafının yekunlarına həsr edilmiş hesabat yığıncağı keçirildi
19 aprel 2018-ci il tarixdə Hacıqabul rayonunda 2018-ci ilin birinci rübünün sosial-iqtisadi inkişafının yekunlarına həsr edilmiş hesabat yığıncağı keçirildi. Rayon İcra hakimiyyətinin başçısı Əhməd Muxtarov məruzə ilə çıxış edərək 2018-ci ilin birinci rübünün nəticələri və qarşıda duran vəzifələrdən danışdı. Yığıncaqda icra başçısı aparatının məsul işçiləri, başçının şəhər, qəsəbə və kəndlər üzrə nümayəndələri, idarə, müəssisə və təşkilatların rəhbərləri, şəhər, qəsəbə və kəndlərin bələdiyyə sədrləri, rayonun hüquq-mühafizə orqanlarının rəhbərləri, ictimai birliklərin, siyasi partiyaların, qeyri-hökumət təşkilatlarının rayon şöbələrinin sədrləri, ağsaqqalların, müharibə və əmək veteranlarının, ziyalıların və ictimaiyyətin digər nümayəndələri olmaqla, cəmi 120 nəfər iştirak etdi.
