Hacıqabul şəhəri C.Cabbarlı küçəsinin sakinləri ilə səyyar qəbul-görüş keçirildi.
30 avqust 2018-ci il tarixdə rayon İcra Hakimiyyəti başçısının Hacıqabul şəhəri C.Cabbarlı küçəsinin sakinləri ilə növbəti səyyar qəbul-görüşü keçirilmişdir. Tədbirdə rayonun idarə, müəssisə və təşkilat rəhbərləri və şəhər sakinləri iştirak etmişdir.
Rayon İcra Hakimiyyətinin başçısı çıxış edərək son illərdə rayonun sosial-iqtisadi inkişafından, əhalini narahat edən problemlərin həlli istiqamətində həyata keçirilən tədbirlər barədə şəhər sakinlərinə məlumat verdi. Görüş zamanı şəhər sakinlərinin müxtəlif məsələlər barədə müraciətləri qeydə alındı və icrası ilə əlaqədar yerində aidiyyəti təşkilatların rəhbərlərinə müvafiq tapşırıqlar verildi.
Şəhər sakinləri yerlərdə keçirilən görüşlərdən razı qaldıqlarını qeyd edərək göstərilən diqqət və qayğıya görə minnətdarlıqlarını bildirdilər.
