5 noyabr 2013-cü il tarixdə Heydər Əliyev Mərkəzinin qarşısında ”Uşaq kitab karvanı Şirvan yolunda” adlı kitab mütaliə tədbiri keçirilmişdir

Azərbaycan xalqının Ümummilli lideri Heydər Əliyevin 90 illik yubileyi ilə əlaqədar Firudin bəy Köçərli adına Respublika kitabxanası tərəfindən Hacıqabul rayonunda ”Uşaq kitab karvanı Şirvan yolunda” adlı kitab mütaliə tədbiri keçirilmişdir

Qədim Karvan yolunun üstündə yerləşən doğma Hacıqabulumuzun bu dəfəki qonaqları kitab karvanı ilə Azərbaycanın əksər guşələrində olmuş Firudin Bəy Köçərli adına Respublika Uşaq Kitabxanasının əməkdaşları və bir qrup uşaq yazıçı və şairləri olmuşdur. Bununla əlaqədar olaraq Hacıqabul rayon Mərkəzi kitabxanası tərəfindən Hacıqabul rayon Heydər Əliyev Mərkəzinin qarşısında tədbir təşkil olunmuş, uşaq kitablarından ibarət sərgi hazırlanmışdır.

Firudin bəy Köçərli adına Respublika Uşaq kitabxanasının direktoru Şəhla Qəmbərova, Uşaq yazıçısı “Şirvannəşr” nəşriyyatının direktoru Qəşəm İsabəyli, Uşaq yazıçısı “Sehirli dünya” jurnalının baş redaktoru Gülzar İbrahimova, Azərbaycan televiziya və radiosu uşaq verilişlərinin baş redaktoru Ələmdar Quluzadə, Tumurcuq qəzetinin baş redaktoru Səməd Məlikzadə çıxış etdilər.

Tədbirdə iştirak edən məktəbli uşaqlar müxtəlif və rəngarəng şerlər söylədilər. “Bilmək istəyirik ki...”adlı rəy sorğusu və “Tap görüm” adlı viktorina keçirildi. Viktorinanın qaliblərinə hədiyyələr verildi.

Sonda Firudin bəy Köçərli adına Respublika Uşaq kitabxanası tərəfindən Hacıqabul rayon Mərkəzi kitabxanasına çoxlu sayda jurnal və kitablar hədiyyə edildi.