Hacıqabul rayonunda Səhiyyə İşçiləri Həmkarlar İttifaqı Respublika Komitəsinin təşəbbüsü ilə səhiyyə işçiləri arasında “Sağlamlığa Doğru Qaç” adlı qaçış yarışı keçirildi.
23 mart 2025-ci il tarixində Hacıqabul rayonunda Azərbaycan Həmkarlar İttifaqları Konfederasiyasının (AHİK) üzv təşkilatı Azərbaycan Səhiyyə İşçiləri Həmkarlar İttifaqı Respublika Komitəsinin təşəbbüsü ilə səhiyyə işçiləri arasında “Sağlamlığa Doğru Qaç” adlı qaçış yarışın ilkin mərhələsi uğurla keçirildi.
Tədbirdə Hacıqabul Rayon İcra Hakimiyyətinin başçısı Sevindik Hətəmov, Azərbaycan Səhiyyə İşçiləri Həmkarlar İttifaqı Respublika Komitəsinin sədri Elnara Muradova, Azərbaycan Həmkarlar İttifaqları Konfederasiyasının nümayəndəsi Adil Əliyev, Hacıqabul Rayon Mərkəzi Xəstəxanasının direktoru Natiq Əliyev, 6 regiondan olan 250-dən çox səhiyyə işçisi iştirak edirdi.
Yarışdan əvvəl Ulu Öndər Heydər Əliyevin abidəsi önünə gül dəstələri qoyularaq onun xatirəsini ehtiramla yad edildi.
Yarış Hacıqabul rayonundan start götürərək, 6 regiondan olan tibb işçilərinin iştirakı ilə möhtəşəm atmosferdə baş tutdu. 250-dən çox səhiyyə işçisi yarışda iştirak edərək sağlam həyat tərzinin təbliğinə töhfə verdilər. Tədbirdə yüksək ruh yüksəkliyi və həvəs hiss olunurdu.
Tədbirdə çıxış edən Hacıqabul Rayon İcra Hakimiyyətinin başçısı Sevindik Hətəmov qeyd etdi ki Hacıqabulda belə gözəl tədbirin keçirilməsi çox sevindirici haldır. Səhiyyə işçilərinin sağlamlığı həm bizim, həm də bütövlükdə ölkəmiz üçün çox önəmlidir. Rayon İcra Hakimiyyətinin başçısı yarış iştirakçılarına uğurlar arzuladı.
Açılış nitqləri ilə çıxış edən Azərbaycan Səhiyyə İşçiləri Həmkarlar İttifaqı Respublika Komitəsinin sədri Elnara Muradova bu cür tədbirlər təkcə idmanı deyil, həm də həmrəyliyi və sağlam həyat tərzini təşviq etməsini bildirdi. Tibb işçiləri cəmiyyətə nümunə olmalıdır. Hər bir iştirakçını təbrik edir, uğurlar arzuladı.
Hacıqabul Rayon Mərkəzi Xəstəxanasının direktoru Natiq Əliyev sağlamlıq üçün idman vacib və bu gün səhiyyə işçilərinin bu prinsipə əməl etdiyini görmək qürurverici olduğunu bildirdi. O həmçinin bütün iştirakçılara uğurlar arzuladı.
Yarışın sonunda qaliblər seçilərək mükafatlandırıldı.
