Rayon İcra Hakimiyyətinin başçısı Sevindik Hətəmov istedadlı şagirdlərlə görüşmüşdür.

18 noyabr 2024-cü il tarixində Hacıqabul Rayon İcra Hakimiyyətinin başçısı Sevindik Hətəmov xüsusi istedadı ilə fərqlənən bir qrup  şagirdlər, onların müəllimləri və valideynləri ilə görüşmüşdür.

Rayon rəhbəri istedadı ilə seçilən şagirdlərin maraq göstərdikləri, həmçinin nailiyyət əldə etdikləri fəaliyyət sahələri barədə söhbət açdı, onların qarşısında duran problemlərlə maraqlandı. Şagirdlər, “Zəfər” yaradıcılıq festivalında “Xarı bülbül” rəsm əsəri ilə uğurlu təqdimatına görə fərqlənmiş, Uşaq Gənclər İnkişaf mərkəzinin Rəsm dərnəyinin üzvü Həşimli Lalə Azər qızı, Azərbaycan Respublikasının Ailə, Qadın və Uşaq problemləri üzrə Dövlət Komitəsinin “Uşaq Səfirlər Məclisi”nə seçim müsabiqəsində müstəqil özünü ifadə etmə bacarığı, ictimai fəallığı, liderlik keyfiyyəti və idarəetmə mədəniyyəti ilə fərqlənərək VI Ümumrespublika Forumunda iştirak etmək üçün dəvət olunmuş Şirinova Aysu Hünər qızı və Xanlarov Mirismayıl Hidayət  oğlu göstərdiyi diqqət və qayğıya görə Rayon İcra Hakimiyyətinin başçısına öz  təşəkkürlərini bildirdilər.

Görüşün sonunda Rayon İcra Hakimiyyətinin başçısı Sevindik Hətəmov şagirdlərə səmimi arzularını bildirərək gələcək fəaliyyətlərində onlara uğurlar arzuladı.