Sərəncamlar

                               Şəhərsalma və tikinti fəaliyyəti sahəsində baş verən qanun

                           pozuntularının aşkar edilməsi və nəticələrinin aradan qaldırılması,

                             habelə rayon səviyyəsində dövlət şəhərsalma nəzarəti işinin

                                                    gücləndirilməsinin təşkili barədə

Azərbaycan Respublikası Prezidentinin Administrasiyası rəhbərinin imzası ilə daxil olmuş 24 iyun 2023-cü il tarixli 1-1-2/2-448/2023 nömrəli məktubda şəhərsalma və tikinti sahəsində baş verən qanun pozuntularının vaxtında aşkar edilməsi və nəticələrinin aradan qaldırılması məqsədi ilə yerli icra hakimiyyəti orqanları mövcud qanunvericilik aktlarına əsasən, yerli səviyyədə həyata keçirdiyi dövlət şəhərsalma nəzarətini daha da gücləndirilməli, qanunsuz tikinti işlərinin qarşısını almalı, habelə qeyri-yaşayış təyinatlı bəzi tikinti obyektlərinin sadələşdirilmiş qaydada istismarına icazə verilməsi ilə bağlı bütün zəruri tədbirlər görməli olduğu bildirilir.

Daxil olmuş məktuba və Azərbaycan Respublikası Prezidentinin 06 iyun 2012-ci il tarixli 648 nömrəli Fərmanı ilə təsdiq edilmiş “Yerli icra hakimiyyətləri haqqında Əsasnamə”nin 3.11 və 4.11 maddələrinə uyğun olaraq

QƏRARA ALIRAM:

1. Dövlət şəhərsalma və tikinti fəaliyyəti sahəsində baş verən qanun pozuntularının vaxtında aşkar edilməsi, onun nəticələrinin aradan qaldırılması məqsədilə həyata keçirilən dövlət şəhərsalma nəzarətinin gücləndirilməsi, qanunsuz tikinti işlərinin qarşısının alınması məqsədilə rayon ərazisində müəyyən olunmuş 5 (beş) zona üzrə məsul şəxslərdən ibarət aşağıdakı tərkibdə komissiya yaradılsın.

Komissiyanın sədri:

      - S.Ələskərov     İcra Hakimiyyəti başçısının birinci müavini

Komissiyanın üzvləri:

Zona 1

Hacıqabul şəhəri üzrə

(Hacıqabul şəhəri, Balıqçı qəsəbəsi)

Zona 2

Udullu yaşayış massivi üzrə

(Şorbaçı, Birinci Paşalı, İkinci Paşalı, Birinci Udullu,

İkinci Udullu, Tağılı, Qubalı kəndləri)

Zona 3

                                     Navahı-Atbulaq  yaşayış massivi üzrə

(Pirsaat və Navahı qəsəbələri, Navahı, Rəncbər, Qubalıbalaoğlan,

Atbulaq, Kürdçü, Qızılburun kəndləri)

Zona 4

Muğan-Padar  yaşayış massivi üzrə

(Muğan və Padar qəsəbələri, Qarasu kəndi)

Zona 5

                           Ələtli-Meyniman-Abdulabad yaşayış massivi üzrə

(Ələtli, Ağacanlı, Bürvənd, Meyniman, Birinci Meyniman, İkinci Meyniman,

Axtaçı-Şirvan, Kolanı, Abdulabad, Talış kəndləri)

2. Tapşırılsın komissiya üzvlərinə hər həftə məsul olduqları ərazidə monitorinq keçirsinlər, qanunsuz tikinti faktı aşkar olunan kimi dərhal komissiyanın sədrinə məlumat versinlər, tikinti işlərinin dayandırılması üçün zəruri tədbirlər görsünlər.
3. Tapşırılsın komissiya sədrinə, Memarlıq və Tikinti şöbəsinə; qanunsuz tikinti aparan şəxslərə tikintinin dayandırılması və sökülməsi ilə bağlı rəsmi bildiriş göndərsinlər. Pozutu törətmiş şəxs bildirişdə qeyd olunmuş tələbləri yerinə yetirmədikdə həmin tikilinin məcburi sökülməsi üçün FHN-in Tikintidə Təhlükəsizliyə Nəzarət Dövlət Agentliyinə rəsmi müraciət göndərilsin.
4. Tapşırılsın Hüquq şöbəsinə pozuntu törətmiş şəxslərin inzibati qaydada cəzalandırılması üçün zəruri hüquqi hərəkətlərin həyata keçirilməsini təmin etsin.
5. Tapşırılsın Memarlıq və Tikinti şöbəsinə qanunsuz tikintilərin aşkar olunması, onların barəsində görülən tədbirlər barədə mütəmadi olaraq Dövlət Şəhərsalma və Arxitektura Komitəsinə, Əmlak Məsələləri Dövlət Xidmətinə rəsmi məlumat göndərilsin.
6. Komissiyanın işində operativliyi təmin etmək, audio-video, foto materiallarının qısa müddət ərzində ötürülməsini təmin etmək komissiya üzvlərinə tapşırılsın.
7. Komissiyanın işində FHN-in Tikintidə Təhlükəsizliyə Nəzarət Dövlət Agentliyinin, Əmlak Məsələləri Dövlət Xidmətinin regional əməkdaşlarının iştirakına zəruri şərait yaradılsın.
8. Tapşırılsın komissiya sədrinə, Memarlıq və Tikinti şöbəsinə; qanunsuz tikinti obyektləri ilə bağlı Dövlət Şəhərsalma və Arxitektura Komitəsindən göndərilmiş yazılı göstərişlərin icrasının tam həyata keçirilməsini təmin etsinlər.
9. Tapşırılsın Memarlıq və Tikinti şöbəsinə; “Qeyr-yaşayış təyinatlı bəzi tikinti obyektlərinin istismarına icazə verilməsi ilə bağlı əlavə tədbirlər haqqında” Azərbaycan Respublikası Prezidentinin Fərmanının 4-cü və 8-ci hissələrində, 1.7-ci və 1.8-ci bəndlərində, 1.1.5-ci yarımbəndində göstərilən tapşırıqlara xüsusi diqqət yetirsin, onların icrasının müəyyən olunmuş müddətlərdə həyata keçirilməsini təmin etsin.
10. Tapşırılsın Memarlıq və Tikinti şöbəsinə, Sənədlərlə və Vətəndaşların müraciətləri ilə işin təşkili şöbəsinə; Görülmüş işlər barədə 2024-cü il yanvarın 1-dən başlayaraq hər altı aydan bir Azərbaycan Respublikası Prezidentinin Administrasiyasına hesabat verilməsini təmin etsinlər.
11. Sərəncamın icrasına nəzarət RİH başçısının birinci müavini Saleh Ələskərova tapşırılsın.

                                                   İcra Hakimiyyətinin

                                                               başçısı:                                           Rüstəm Xəlilov

Hacıqabul rayon İcra Hakimiyyəti başçısının

____ iyul 2023-cü il tarixli _____ №-li sərəncamı

ilə təsdiq edilmişdir.

Hacıqabul rayonu ərazisində Dövlət şəhərsalma nəzarətinin daha da gücləndirilməsi,

qanunsuz tikinti işlərinin qarşısının alınması üçün yaradılmış

Komissiyanın təkibi